A quen vai dirixido
O Máster está dirixido a persoas tituladas universitarias cuxo interese sexa a reflexión filosófica acerca dos tópicos de ‘coñecemento e comprensión do mundo’ e de ‘cidadanía e globalización’.
Preferentemente atenderanse as solicitudes de graduados/as en títulos de humanidades e ciencias sociais, aínda que o carácter multidisciplinar do Máster permitirá que se incorporen persoas dotras titulacións.
O Máster proporciona unha formación sólida e especializada en pensamento crítico achega do coñecemento e comprensión do mundo, a cidadanía e a globalización. Tamén familiariza ao alumnado coas técnicas e requisitos da investigación nas Humanidades, dado que se trata dun máster que dá acceso ao programa de doutoramento.
Este Máster responde á demanda de quen busca unha formación para orientarse cara á investigación ou para formar parte de equipos de análise crítica e exploración de solucións ante os retos actuais relacionados co coñecemento e a cidadanía. A Filosofía é un saber constitutivamente aberto a todos os demais: humanidades, política, ciencias, técnicas ou arte. Neste sentido a perspectiva interdisciplinar é un dos aspectos máis relevantes deste máster.
OBXETIVOS
- Proporcionar unha formación sólida e especializada en pensamento crítico achega do coñecemento e comprensión do mundo, a cidadanía e a globalización.
- Situar dita formación no conxunto dos saberes humanísticos, as ciencias naturais, as tecnoloxías e as ciencias sociais; no tecido empresarial, institucional e cultural, así como ante a práctica social do mundo contemporáneo.
- Familiarizar ao alumnado coas técnicas e requisitos da investigación, dado que se trata dun máster que dá acceso ao doutoramento.
HABILIDADES E COMPETENCIAS
A formación filosófica e interdisciplinar que se obtén cun máster destas características achega calidades e competencias singulares, relacionadas coa análise crítica dos problemas, a capacidade para reformularlos, así como atopar solucións innovadoras. Igualmente, proporciona unha sólida base para o acceso ao mercado de traballo.
O máster capacita ao alumnado para traballar en calquera campo que necesite abordar e entender os problemas e posibilidades que se desprenden das ciencias, as humanidades e as grandes innovacións tecnolóxicas, así como os derivados do proceso de globalización e a ineludible reformulación da noción de cidadanía.
Algunhas das competencias que proporciona o máster son:
- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas.
- Coñecer e comprender formulacións filosóficas relacionadas cos ámbitos temáticos do máster.
- Desenvolver destrezas que permitan trasladar os coñecementos adquiridos ao ámbito da investigación.
- Adquirir habilidades para a transmisión e ensino de contidos filosóficos relacionados cos ámbitos temáticos do máster.
- Saber aplicar os coñecementos adquiridos na resolución de novos problemas.
- Ser capaz de: analizar e sintetizar, argumentar loxicamente, formular xuízos e deliberar conforme a criterios éticos.
CARACTERÍSTICAS
Estrutura: MÁSTER INTERDISCIPLINAR CON DOUS ITINERARIOS.
- Coñecemento e comprensión do mundo.
- Cidadanía e globalización.
Duración: A tempo completo (1 curso académico) ou a tempo parcial (2 cursos académicos).
Orientación: Investigadora
Precio: consultar
Número de plazas: 20
Lugar: Facultade de Filosofía, Santiago de Compostela (Galicia – España)
Contacto: filosofia.uaxcd@usc.es
Coordinación: yolanda.martinez.suarez@usc.es
Web: www.usc.es/es/centros/filosofia
