O próximo martes 2 de abril, xusto á volta de Pascua, ás 17.30h, Tomeu Sales Gelabert, profesor da Universitat de les Illes Balears, achegaranos a “El momento reaccionario de la democracia: Derecha radical, reacción antifeminista y democracia“.
O obxectivo da conferencia é analizar a connivencia entre a reacción antifeminista e de xénero da dereita radical e a democracia liberal representativa. Examinarase como un réxime que se estrutura institucional e procesalmente mediante un sistema de eleccións libres e competitivas pon en marcha dinámicas antifeministas e de xénero, dando lugar ao que chamamos “momento reaccionario”. O “momento reaccionario” é un lugar privilexiado para observar como a democracia liberal representativa non logra romper coa orde sexista e patriarcal. Mentres busca distanciarse do “patriarcado iliberal” da dereita radical, expón o seu “patriarcado liberal”. Concluirá defendendo que a democracia liberal representativa é unha “democracia patriarcal”.
BIO
Tomeu Sales Gelabert
Profesor Titular de filosofía moral e política na Universitat de les Illes Balears. Participou e participa en diferentes proxectos de investigación, tanto de ámbito autonómico, como estatal. Actualmente é investigador do proxeto PID2020-115079RB-I, ‘Reproducción biológica, Reproducción social y Esfera Pública-REPRODUCE’, Ministerio de Ciencia e Innovación. IP: Lucrecia Burges e Joaquín Valdivielso (UIB). Traballa nos campos da filosofía política contemporánea, a filosofía e a teoría social contemporánea, a teoría normativa da democracia e a filosofía política feminista. Entre as súas últimas publicacións destacan: ‘Reproducción, campo de batalla en la esfera pública: el discurso antifeminista de la nueva derecha radical neoliberal española’, Revista Estudios Políticos, 2023, ‘Vulnerabilidad, precarización e injusticias interseccionales. Notas para una filosofía política feminista’, Isegoría. Revista de filosofía moral y política, 2021; ‘Sobre demandas y protecciones. Los derechos humanos de las mujeres’, Las Torres de Lucca: revista internacional de filosofía política, 2020, e ‘Repensando la interseccionalidad desde la teoría feminista’, Ágora: Papeles de Filosofía, 2017.
A CONFERENCIA
