Forzas da reprodución. Para unha ecoloxía política feminista

Esta charla ofrece unha síntese do libro Forces of Reproduction. Notes for a Counterhegemonic Anthropocene (Cambridge U.P. 2020), en vía de tradución pola editorial Catarata. O libro desenvolve unha crítica feminista do concepto de Antropoceno, integrado nunha narrativa hexemónica que representa o “Home” como a forza xeolóxica dominante do noso tempo, facendo fincapé tanto no poder destrutivo como redentor das tecnoloxías industriais. Adoptando unha abordaxe de xustiza narrativa, e inspirándome nas loitas da “Alianza dos Povos da Floresta”, desenvolverei unha narrativa contrahexemónica que pon en primeiro plano o traballo reprodutivo e de subsistencia e, polo tanto, aquelas subxectividades que, a través de prácticas cotiás e acción política organizada, coidan as condicións biofísicas para a reprodución humana, mantendo o mundo vivo.